CHARLES D'ORLÉANS (1394–1465) RESPONCE.

RESPONCE.

Mon amy, Dieu te convoye,
Et brief te remaint à joye,
A ton honneur et plaisir,
Tout ainsi que je desire,
Mieulx que dire ne sauroye.
Si par souhait je povoye,
Plus souvent te reverroye
Mais, car ne te puis veoir.
Mon amy, etc.

Ceste chancon je t'envoye,
De m'amour par grant montjoye,
Si t'en vueilles esjoir;
Car te jure, sans mentir,
Que t'ayme loing que je soye.
Mon amy, etc.