CHARLES D'ORLÉANS (1394–1465) CHANCON. 17

CHANCON.

Se je fois loyalle requeste,
Soing et Soucy, et bon vous semble,
Pour Dieu, accordons nous ensemble;
Qui tort a soit mis en enqueste.
Quant vous, ne moy bien n'y aqueste,
Pour jugier droit conseil asemble.
Se je fois, etc.
Soing et Soussy, etc.

Je ne requier aultre conqueste
Que d'Espoir qui larron ressemble,
Et sans cause de mon cueur s'emble,
Dieu me secoure en cette queste!
Se je fois, etc.