CHARLES D'ORLÉANS (1394–1465) CHANCON. 40

CHANCON.

Pour les grans biens de vostre renommée,
Dont j'oy parler à vostre grant honneur,
Je desire que vous ayez mon cueur,
Comme de moy, tres loyaument amée.
Tresoriere, je vous voy ordonnée
A le garder en plaisance et doulceur.
Pour les, etc.
Dont j'oy, etc.

Recevez le, s'il vous plaist, et agrée,
Du mien ne puis vous donner don meilleur;
C'est mon vaillant, c'est mon tresor greigneur,
A vous l'offre de loyalle pensée.
Pour les, etc.