CHARLES D'ORLÉANS (1394–1465) RONDEL.31

RONDEL.

Regart, vous prenez trop de paine,
Tousjours courez et racourez,
Il semble qu'aux barres jouez;
Reprenez un peu vostre alaine.
Cueurs qu'Amours tient en son demaine,
Cuident qu'assaillir les voulez.
Regart, vous, etc.
Tousjours, etc.

Amours, une fois la sepmaine
C'est raison que vous reposez,
Et affin que ne morfondez,
Il faudra que l'en vous pourmaine.
Regart, etc.