CHARLES D'ORLÉANS (1394–1465) RONDEL.35

RONDEL.

Gardez le trait de la fenestre,
Amans, qui par rues passez,
Car plus tost en serez blessez,
Que de trait d'arc, ou d'arbalestre.
N'alez à dextre, ne à senestre
Regardant, mais les yeulx bessez.
Gardez, etc.
Amans, etc.

Se n'avez medicin bon maistre,
Si tost que vous serez navrez,
A Dieu soiez recommandez;
Mort vous tiens, demandez le prestre.
Gardez, etc.