AUTEUR ANONYME (?-?) Comme la vieille revient vers eulx et faint ne sçavoir rien de leur fait

Comme la vieille revient vers eulx et faint ne sçavoir rien de leur fait
et demande a gallathée pour quoy elle ploure.


Ante fores bacuis tenuit me femina verbis.
Que macrum proprio vinceret eloquio

Devant les portes du vergier
Une femme m'a arrestée
Et n'ay oncques sceu abregier
Tant que je l'ay eue escoutée
El m'a une chose contée
Toute vaine, mais en langaige
Elle vaincroit tant est fretée
Se cuyde je macer le saige

Cur galathea tua corrumpis lumina fletu
Nunc michi demonstres hic dolor unde venit

Qu'esse que tu as gallathée
Dy moy a quelle occasion
Tu es en ce point tourmentée
Le faiz tu par derrision
Demonstre moy sans fiction
Ta douleur ton empeschement
Se j'en ay l'exposition
G'y mettray bien amendement

Absens dum fueram dic quid tibi pamphilus egit
Tu galathea precor ordine cuncta refer

Tant comme j'ay esté absente
Dy moy que pamphille t'a fait
Je ne seroie point contente
Qu'il t'eust offensée en effait
Gallathée dy moy le fait
Tout par ordre et ne celle rien
Car se pamphille te a meffait
Croy que g'y remedieray bien