Jean Auvray (ca. 1580-ca. 1630) Sonnet

SONNET



Une dame tançoit sa servante accusee,
D' avoir fait en joüant ce qu' on fait de la l' eau,
Vien-çà, nomme le moy pauvre fille abusee
Le meschant qui osa chez nous faire un bordeau.

C' est vostre mareschal (madame) ô la rusee
Combien as tu de fois remmanché son marteau?
Il me le fit six coups en filant ma fusee
Et si vouloit encor lever mon devanteau.

Six coups ce dit la dame, en extase ravie,
Une femme d' honneur en seroit bien servie,
Fuy d' icy ta presence attise mon courroux:

La laide, la soüillon, la petite impudente,
C' est bien à telle gueuse à le faire six coups,
Je my passerois bien moy qui suis presidente.