CHARLES D'ORLÉANS (1394–1465) CHANCON. 5

CHANCON.

Quant j'ay nompareille maistresse
Qui a mon cueur entierement,
Tenir me vueil joyeusement,
En servant sa gente jeunesse.
Car certes je suis en l'adresse
D'avoir de tous biens largement,
Quant j'ay, etc.
Qui a mon, etc.

Or en ayent dueil ou tristesse
Envieux, sans allegement;
Il ne m'en chault, par mon serement,
Car leur desplaisir m'est liesse,
Quant j'ay, etc.