CHARLES D'ORLÉANS (1394–1465) CHANCON. 29

CHANCON.

Tant que Pasques soient passées,
Se nous avons riens trespassé.
Prions mercy du tems passé,
Et pour les ames trespassées.
Chascun pas à pas ses passées
Face, avant que soit trespassé.
Tant que, etc.
Se nous, etc.

Foleur a fait grandes passées,
Mains cueurs ont tout oultre passé;
Pour ce, par nous soit compassé
D'eschever faultes compassées.
Tant que, etc.