CHARLES D'ORLÉANS (1394–1465) RONDEL.3

RONDEL.

De vostre beaulté regarder,
Ma tres belle, gente maistresse,
Ce m'est certes tant de lyesse
Que ne le sauriez penser.
Je ne m'en pourroye lasser.
Car j'oublie toute tristesse.
De vostre, etc.
Ma tres belle, etc.

Mais, pour mesdisans destourber
De parler sus vostre jeunesse,
Il fault que souvent m'en delaisse,
Combien que ne m'en puis garder.
De vostre, etc.