CHARLES D'ORLÉANS (1394–1465) CHANCON.66

CHANCON.

Passez oultre, decevant Vueil,
Où portez vous cest estendart
De plaisant, actrayant regart,
Soubz l'emprise de Bel acueil?
De ma maison n'entrez le sueil
Plus avant, tirez autre part.
Passez oultre, etc.
Où portez, etc.

Vous taschez à croistre mon dueil,
Et gens engigner par votre art;
A! a! maistre sebelin regnart,
On vous congnoist tout cler à l'ueil.
Passez oultre, etc.