Guillaume Colletet (1598-1659) Le respect amoureux.

Le respect amoureux.

Stances.
Beauté qui triomphez de mes peines cruelles,
Si vous traittez ainsi mes services fidelles,
Que ferez-vous à ceux dont les coeurs inconstans
Ne brûlent pas long temps ?
J' aspire un peu trop haut, il faut que je l' avouë,
Mais un grand coeur prétend qu' on l' aime, et qu' on le louë,
Autant qu' on doit traitter de haine, et de mépris,
Les timides esprits.
J' aime mieux en aimant une beauté parfaite
Ne pouvoir obtenir le bien que je souhaite,
Que d' un objet commun, mais remply de douceur,
Estre le possesseur.
Au moins l' âge suivant qui ne trahit la gloire
De celuy qui merite une longue memoire,
Dira dans mes amours, si je ne fus vainqueur.
Que j' eus assez de coeur.
Du beau fils de Climene est la cheute honorable,
L' entreprise d' Icare est grande, et memorable,
Puis qu' ils se sont acquis au milieu du trépas
Un nom qui ne meurt pas.
Pardonnez donc, Cloris, aux excés de mon zele,
Et vous ressouvenez, en vous voyant si belle,
Que de si doux appas sont faits pour animer
Les coeurs à vous aimer.
N' abusez point des dons des puissances supresmes,
Moderez les transports de vos desirs extresmes ;
Mais que fay-je moy-mesme ? En aimant vos beaux yeux,
J' entreprens sur les dieux.
Ils quittent le nectar, ils quittent l' ambrosie,
Et tous brûlans d' amour, comme de jalousie,
Ils estiment bien plus l' objet de mes ardeurs,
Que leurs vaines grandeurs.
Au moins si dans mes maux je n' ay point d' allegeance,
Destournez loin de moy les traits de leur vengeance ;
Et ne diffamez point, beaux yeux, vostre beauté,
Par trop de cruauté.
Mais quel aveuglement d' invoquer ces complices,
Ces yeux qui m' ont causé tant d' estranges supplices ;
Que le sort en ordonne ainsi qu' il luy plaira,
Mon coeur les aimera.
Si les feux de l' amour, comme ceux de la foudre,
Confondent mon audace, et me mettent en poudre ;
Au moins j' auray le bien d' avoir laissé content
L' objet que j' aime tant.