Guillaume Colletet (1598-1659) Pour le polonois.

Pour le polonois.

Aux dames.
Je sors de ces affreux climas,
Où la neige avecque la gresle,
La glace avecque les frimas,
Habitent tousjours pesle-mesle ;
Venez donc m' eschauffer un peu
Des douces ardeurs de ce feu,
Que vous venez, beaux yeux, de respandre en mon ame.
Mais quel funeste embrasement !
Mon esprit se consume aux ardeurs de sa flâme,
Et mon corps n' en est pas eschauffé seulement.
Pour un geant.
Si le ciel me forma d' une haute stature,
S' il me fit tel dedans que je parois dehors ;
C' est que tous les grands dons que j' ay de la nature
N' eussent peu contenir dedans un petit corps.