Jean Auvray(1590-1633) AMOURETTES SONNET

AMOURETTES SONNET



Ma saincte j' ayme bien ce sous-ris gracieux,
Et le riche coral de ta lévre bessonne,
J' ayme bien de ton sein le marbre precieux,
Et lalbâtre poly qui ta gorge environne.
J' ayme ce large front digne d' une couronne,
Front d' ivoire voûté sur le moulle des cieux,
J' ayme bien ton poil blond qu' amour passe-fillonne,
Et ton humble regard qui raviroit les dieux.
J' ayme bien les accents de ta voix charmeresse
Ton port majestatif, ton marcher de princesse
Et ton gentil esprit accomply de tout poinct.
Ces extresmes beautez extremément je louë,
Mais sans mentir il faut, maistresse, que j' avouë,
Que sur tout me ravit ton grasset en bon-point.