Guillaume Colletet (1598-1659) La conqueste amoureuse.

La conqueste amoureuse.

Sonnet
.
Que Lovis s' arme, et qu' il s' appreste
D' aller punir les factieux ;
Et que ce prince glorieux
Face conqueste sur conqueste.

Qu' il fonde comme une tempeste
Sur les aigles imperieux,
Et sur ces lyons furieux,
Qui n' osent plus lever la teste.

Qu' il force le Tage, et le Rhein
De l' advoüer pour souverain,
Que l' Europe luy sacriffie ;

Qu' il soit sa gloire, et son appuy ;
Si je puis surmonter Sophie,
Je n' auray pas moins fait que luy.