Guillaume Colletet (1598-1659) Plainte amoureuse.

Plainte amoureuse.

Sonnet 84.

Dans ce vaste desert, Tirsis, où tu m' ameines,
Accordons nostre plainte au murmure des eaux,
Découvrons nos douleurs aux nymphes des ruisseaux
De qui le flot emaille et rajeunit ces plaines.

Ne dissimulons point la rigueur de nos peines
À ces chantres de l' air ; dont les accens nouveaux
Animent ces rochers, ainsi que ces rameaux,
Et font de leurs concerts des concerts de seraines.

Apprenons nos langueurs à ces noires forests
Dont l' horreur est si propre à nos tristes regrets,
Et puis mourons au sein de ces plaines fleuries ;

Il n' est dans ce desert de nymphe, ny d' oiseau,
D' arbre dans ces forests, de fleur dans ces prairies,
Qui ne séchent d' ennuy dessus nostre tombeau.