Guillaume Colletet (1598-1659) Le bon advocat.

Le bon advocat.

Sonnet.

Delices de Themis, esprit en qui les cieux
Ont versé les thresors de leur bonne influence,
Qui t' acquiers parmy nous le degré d' eloquence
Que l' antique Mercure obtint entre les dieux.

Confonds en ma faveur cet homme factieux,
Ce mortel ennemy d' honneur et de science,
Qui trouble mon repos, et ne fait conscience,
De trahir sa parolle, et démentir ses yeux.

Quoy que dans un barreau ta langue ait sceu bien dire,
Cher amy bouterouë, il faut encore escrire,
Sans cela tu connois que je travaille en vain.

Démesle mon bon droict, rends ma cause esclaircie,
Et nous fais advoüer, malgré la loy Cincie,
Que le bon advocat doit avoir bonne main.