Guillaume Colletet (1598-1659) Hommage, à un grand poëte. Les froids amis.

Hommage, à un grand poëte.

Sonnet.

Afin de tesmoigner à la posterité,
Que je fus en mon temps partisan de ta gloire,
Malgré ces ignorans de qui la bouche noire
Blasphéme parmy nous contre ta deité ;

Je vien rendre à ton nom ce qu' il a merité :
Belle ame de Ronsard, dont la sainte memoire
Remportera du temps une heureuse victoire,
Et ne se bornera que de l' eternité.

Attendant que le ciel mon desir favorise,
Que je te puisse voir dans les plaines d' Elise,
Ne t' ayant jamais veu qu' en tes doctes escrits ;

Belle ame, qu' Apollon ses graces me refuse,
Si je n' adore en toy le roy des grands esprits,
Le pere des beaux vers, et l' enfant de la muse.