L' amant indicieux.
Sonnet 96.
Il faut que je l' avouë, elle est incomparable,
Cette belle Doris, digne objet de tes voeux ;
Les roses de son teint, et l' or de ses cheveux
Rendront sa gloire insigne, et ta flâme durable.
Si tu fus en aimant un amant miserable,
Ta Doris te peut faire un amant bienheureux ?
Desja par le moyen de tes vers amoureux,
La faisant adorer tu te rends adorable.
Sois doncque le phoenix de ce nouveau soleil,
Et bruslant de son feu qui n' a point de pareil,
Flatte tous les mortels de sa gloire immortelle.
Chante qu' une déesse a causé ton tourment ;
Et si quelqu' un la void, et ne meurt pas pour elle,
Monstre s' il a des yeux, qu' il est sans jugement.
Sujet: Guillaume Colletet (1598-1659) L' amant indicieux. 
Dim 24 Juin - 14:23
